| " 2.9 (Skaweduwee)" deur BREYTEN BREYTENBACH [boodskap #38535] |
Di, 23 Januarie 2001 20:27 |
|
|
Oorspronklik gepos deur: @home.com
2.9 (SKAWEDUWEE)
Breyten Breytenbach
In die nanag is die maan
se haartjies koud
die witrot het gaatjies
in die sluier geknaag
kom na my tuin
waar die donkerrooi rose
ruik na die donkerste
sweetplek van vroue
a, my beminde
waar is die balkon wat loop
na jou kamer
watter huis is gebou
om die binnehoof van jou slaap
die nag is 'n voël
bo die berg van my hart
maar die sneeu is skaduwees
wit op die maan
die sneeu die wyn
die rose en die wind
die nagwitte snare van my lied
die nanag verf my oë blind
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
